Parlament seçkilərinin başlamasına az qalıb.
Marneuli və Qardabanidən majoritar deputatlığa namizəd olaraq
“Gürcü Arzusu”-dan Zaur Darğallı, “Vahid Milli Hərəkat
Partiyası”-dan Azər Süleymanov, “Avropalı Gürcüstan” partiyasından
Əhməd İmamquliyev, “Lelo” partiyasından Murad Muradov,
“Leyboristlər” partiyasından Əli Bədirov, “Gürcüstan” partiyasından
Gülsəfa Ayvazova, “Gürcü Marşı”-dan İspəndiyar Kərimov və
“Vətənpərvərlər Alyansı”-dan Mahir Yusubov öz namizədliyini
irəli sürüb.
Bu gün, 24 sentyabr tarixində “Marneuli” radiosu Marneulili
sakinlər arasında sorğu keçirdi.
Sakinlərin Parlament seçkilərində majoritar deputatlığa namizədləri
tanıyıb-tanımamaları ilə bağlı sual verdik. Sakinlər majoritar
deputatlığa namizədlərdən daha çox Zaur Darğallını, Azər Süeymanovu
və Əhməd İmamquliyevi tanıdıqlarını bildirdilər.
Onlar gələcəkdə majoritar deputat olacaq namizədlərdən böyük
gözləntilərinin olduğunu və seçkilərin şəffaf keçiriləcəyinə ümid
etdiklərini bildirdilər.
Qeyd edək ki, Gürcüstanda Parlament seçkiləri 31 oktyabr tarixində
keçiriləcək.