Koronavirusun yayılmasının qarşısının alınması məqsədi ilə
Gürcüstanda qalan azərbaycan vətəndaşlarının və onların ailə
üzvlərinin (Gürcüstan və ya digər ölkənin vətəndaşı daxil olmaqla)
Azərbaycan Respublikasına təxliyəsi Səfirliyə ərizə ilə müraciət
etməklə davam etdirilir.
Bu barədə "Marneuli" radiosunun sorğusuna cavab olaraq Azərbaycanın
Gürcüstandakı səfirliyindən məlumat verdilər.
"Məlum olduğu kimi, pandemiya dövründə Gürcüstandan
Azərbaycan Respublikasının vətəndaşlarının təxliyəsi maneəsiz
həyata keçirilib. Belə ki, cari ilin 21 sentyabr tarixinədək
həftəlik keçirilən təxliyələrdə üstünlük vətəndaşlara verilib,
onların ölkəyə qayıtmasına məhdudiyyət qoyulmayıb. Bu gün də
Səfirlik tərəfindən Gürcüstanda şəxsi işləri səbəbindən qalan
Azərbaycan Respublikasının vətəndaşlarının təxliyəsi davam
etməkdədir.
Azərbaycan Respublikası ilə Gürcüstan arasında həm hava, həm də
quru sərhədləri bağlı olduğu üçün Gürcüstan ərazisində qalan
vətəndaşlarımız təcili ölkəyə qayıtmaq istədikdə hər gün səhər saat
10:00-18:00 arası Türkiyə ilə Gürcüstan arasında olan Sarp
sərhəd-keçid məntəqəsindən Türkiyə ərazisinə keçməklə və ya
Tbilisidən İstanbul şəhərinə həyata keçirilən reyslərlə
İstanbul-Bakı müntəzəm reysləri ilə Azərbaycan Respublikasına
qayıda bilərlər. Vətəndaşlarımız təyyarəyə PCR testinin neqativ
nəticəsi ilə, 48 saatdan gec olmamaq şərti ilə daxil ola
bilərlər.
Həmçinin, Gürcüstan ərazisində qalan və ölkəyə qayıtmaq istəyən
vətəndaşlarımız Azərbaycan Respublikasının Gürcüstandakı
Səfirliyinin Konsulluq bölməsinə səhər saat 09:30-dan 12:30-dək
ərizə ilə müraciət etdiyi təqdirdə ölkəyə quru yolu ilə qayıda
bilərlər. Azərbaycan Respublikası ilə Gürcüstan arasında quru
sərhədlərinin bağlı olması səbəbindən vətəndaşlarımızın quru yolu
ilə Səfirliyə müraciətindən 10-15 gün sonra ölkəyə qayıda
bilərlər.
Azərbaycan Respublikasının vətəndaşlarını daha çox maraqlandıran
suallardan biri də Azərbaycan ərazisindən Gürcüstana necə daxil ola
bilmələridir. Qeyd edək ki, Gürcüstan Hökumətinin Qurumlararası
Koordinasiya Şurasının koronavirus pandemiyasının yayılmasının
qarşısını almaq məqsədi ilə qəbul etdiyi qərara əsasən, Gürcüstan
ərazisinə Gürcüstan vətəndaşları ilə yanaşı, onlarla rəsmi nikahı
olan digər ölkə vətəndaşları (həmçinin, Azərbaycan vətəndaşları)
Azərbaycan Respublikasındakı Gürcüstan Səfirliyinə müraciət edərək
daxil ola bilərlər. Eyni zamanda, Gürcüstanda sahibkarlıq
fəaliyyəti ilə məşğul olan digər ölkələrin vətəndaşları (həmçinin,
Azərbaycan vətəndaşları) Qurumlararası Koordinasiya Şurasının rəsmi
saytına daxil olaraq, https://registration.gov.ge/pub/form/7_protocol_for_arrivals_in_georgia/kcjcpx/
ünvanındakı müraciət formasıın doldurub Gürcüstan ərazisinə giriş
icazəsi ala bilərlər. Gürcüstana işgüzar səfər etmək istəyən
Azərbaycan Respublikasının vətəndaşlarının Gürcüstan ərazisinə
giriş icazəsi almaları ilə yanaşı, Azərbaycan Respublikasının
Nazirlər Kabineti yanında Operativ Qərargaha müraciət edərək,
ölkədən çıxış icazəsi almaları vacibdir.
Azərbaycanın 44 günlük Vətən müharibəsi dünya tarixində
tayı-bərabəri olmayan bir müharibə və möhtəşəm qələbədir.
Azərbaycanın Ali Baş Komandanı İlham Əliyevin rəhbərliyi ilə
Azərbaycanın müzəffər ordusunun zəfər yürüşü əsasında Vətən
müharibəsində qazanılmış şanlı Qələbə nəticəsində düşmənin sonadək
bütün torpaqlarımızdan qovulması, Qarabağın, xüsusən də xalqımızın
ləyaqət və qürur simvolu Şuşanın işğaldan tam azad edilməsi, uzun
illər düyünə düşmüş və region üçün təhlükə mənbəyi olan münaqişənin
uğurla və ədalətlə həll edilməsi, həm də yaşadığımız bölgədə sülhə
və təhlükəsizliyə əvəzsiz töhfədir. 30 il davam edən erməni
işğalına son qoyuldu, ölkəmizin ərazi bütövlüyü bərpa edildi, 3
rəngli bayrağımız işğaldan azad olunan bütün rayonlarda
dalğalandırıldı.
Qeyd etmək istərdik ki, II Qarabağ müharibəsi ərəfəsində də
Gürcüstanda qalan Azərbaycan Respublikasının vətəndaşlarının ölkəyə
təxliyəsi davam etmişdir. 2020-ci ilin 21 sentyabr tarixindən
etibarən kütləvi şəkildə həftəlik təxliyələrin dayandırılmasının
müharibəyə aidiyyəti yoxdur. Məlum olduğu kimi, sentyabr ayından
etibarən həm Azərbaycanda, həm də Gürcüstanda koronavirusa yoluxma
sayında gözlənilməz artım qeydə alınıb. Koronavirusun yayılmasının
qarşısının alınması məqsədi ilə Gürcüstanda qalan vətəndaşlarımızın
və onların ailə üzvlərinin (Gürcüstan və ya digər ölkənin vətəndaşı
daxil olmaqla) Azərbaycan Respublikasına təxliyəsi Səfirliyə ərizə
ilə müraciət etməklə davam etdirilir.
Bu səbəbdən də, Azərbaycan Respublikasına qayıtmaq istəyən
Azərbaycan Respublikasının vətəndaşları və onlarla rəsmi nikahda
olan xarici ölkə vətəndaşları Səfirliyin
CLOAKING
elektron poçt ünvanına ərizə göndərməklə və ya həftə içi səhər saat
09:30-dan 12:30-dək Səfirliyə yaxınlaşaraq müvafiq sənədləri təqdim
etməklə 10-15 gün ərzində Azərbaycan Respublikasına gedə bilərlər.
Ətraflı məlumat almaq istəyən şəxslər Səfirliyin Konsulluq bölməsi
ilə +995-32-224-30-04 nömrəli
şəhər nömrəsi və 24 saat fəaliyyət göstərən mobil +995-577-00-00-38 “Qaynar Xətt” nömrəsi
ilə əlaqə saxlaya bilərlər", – məlumatda deyilir.