Məlum olduğu kimi, Azərbaycan Respublikasının Gürcüstandakı
Səfirliyi ilə yanaşı Gürcüstanın Azərbaycan Respublikasındakı
Səfirliyi də
2020-ci ilin mart ayının 14-dən etibarən pandemiya səbəbi ilə
Azərbaycanda qalan Gürcüstan vətəndaşlarının və Gürcüstan vətəndaşı
ilə rəsmi nikahda olan Azərbaycan Respublikasının vətəndaşlarının
(ailə üzvləri ilə birlikdə) Gürcüstana təxliyə olunması prosesini
həyata keçirirdi.
Bu barədə "Marneuli" radiosunun sorğusuna cavab olaraq Azərbaycanın
Gürcüstandakı səfirliyindən məlumat verdilər.
Məlumata görə, Gürcüstanın Bakıdakı Səfirliyi tərəfindən bu
təxliyələr hal-hazırda da həyata keçirilir. Əvvəllər Azərbaycan
Respublikasından təxliyə olunan şəxslər Gürcüstan ərazisinə daxil
olduqdan sonra karantinə alınırdılarsa, indi 72 saat qüvvədə olan
PCR testinin nəticəsi ilə Gürcüstana daxil olaraq, 8 gün ərzində
yaşadıqları evlərdə özlərini təcrid edirlər.