Gürcüstanda koronavirus yayıldıqdan sonra qonşu ölkələrlə, o
cümlədən Azərbaycanla sərhədlər bu ilin 14 mart tarixindən etibarən
qarşılıqlı razılaşma əsasında müvəqqəti olaraq bağlanıldı. Bu gün
yenə də sərhədlər bağlıdır.
Sərhədlər bağlı olduğuna görə, 14 mart tarixindən 21 sentyabr
tarixinə qədər Azərbaycan respublikası Gürcüstandan 3 455 nəfəri
təxliyə edib.
Bu barədə "Marneuli" radiosunun sorğusuna cavab olaraq Azərbaycanın
Gürcüstandakı səfirliyindən məlumat verdilər.
Məlumata görə, təxliyə olunan 3 455 nəfərdən 1 534-ü Azərbaycan, 1
861-i Gürcüstan və 60-ı isə davamlı əsasda Azərbaycan
respublikasının vətəndaşı ilə rəsmi nikahda olan digər ölkələrin
vətəndaşlarıdırlar.
"Həmçinin, pandemiya dövründə müxtəlif ölkələrdən
Gürcüstandan ərazisi ilə tranzit keçməklə indiyədək 406
vətəndaşımız Azərbaycan respublikasına təxliyə edilmişdir.
Beləliklə, Azərbaycan Respublikası rəhbərliyinin göstərişinə
əsasən, səfirlik tərəfindən cari ilin mart ayının 14-dən bu günədək
3 861 nəfərin vətənə qayıdışı təmin edilmişdir", –
səfirliyin məlumatında deyilir.
Səfirlikdən onu da qeyd ediblər ki, səfirliyin təşəbbüsü və
Gürcüstandakı Azərbaycan şirkətlərinin maliyyə dəstəyi ilə bu
günədək 3 358 aztəminatlı ailəyə ərzaq, 200 ailəyə tibbi ləvazimat
və Gürcüstanda təhsil alan 71 tələbəyə maliyyə yardımı edilib.