Kobuleti və Çoxatauri Müftisi bu gün Buknari kəndinə gedib. O,
yerli sakinlərlə görüşüb.
Kobuleti və Çoxatauri Müftisi Aslan Beridze ibadətin
dayanmayacağını söyləyib.
“Doğrudur, yaxşı bir şey deyil, amma insanlarımız bir
yerə gedirsə, adətlərinə uymaq üçün gedirlər. İnsanların birgə
ibadət etməsi üçün bir yerə ehtiyac var, elə deyilmi? Bu insanlar
bizdən elə xüsusi bir kömək istəmirlər...Burada ibadət
dayanmayacaq, ibadət etsinlər, heç kim mane
olmayacaq", - deyə Aslan Beridze "Formula"
telekanalına müsahibəsində bildirib.
Çoxatauri bölgəsindəki Buknari kəndində yerli xristianlar ilə
müsəlmanlar arasında dini zəmində fiziki qarşıdurma 12 yanvar
tarixində baş verib. Müsəlman icmasının nümayəndələri mübahisənin
səbəbinin kənddə ibadət yeri kimi istifadə edilən bir evin olduğunu
söyləyiblər. Yerli müsəlmanlar, onların bu istəyinin xristianlar
tərəfindən mənfi qarşılandığını və davamlı təhdid edildiklərini
söyləyirlər.
12 yanvarda baş verən qarşıdurmada azyaşlılar da daxil olmaqla bir
neçə nəfər yaralanıb; Onlardan 2-si küt bir alətlə aldığı
xəsarətlərlə xəstəxanaya aparılıb. Baş verənlərlə əlaqəli Daxili
İşlər Nazirliyi zorakılıq ittihamı ilə bir nəfəri həbs edib.