12 yanvar tarixində Çoxatauri bələdiyyəsinin Buknari
kəndində müsəlmanlar və xristianlar arasında dini zəmində
qarşıdurma yaşanıb. Buna səbəb isə müsəlmanların bir evə
toplaşaraq namaz qılmaları olub.
Xristianlar müsəlmanların bu addımına etiraz ediblər və nəticədə
iki din mənsubları arasında fiziki qarşıdurma yaranıb.
Hadisə zamanı iki gənc başından xəsarət alaraq xəstəxanaya
çatdırılıblar. Onların həyatları üçün təhlükə yoxdur.
Qarşıdurma zamanı həmkəndlilərinə xəsarət yetirən
şəxs polis tərəfindən saxlanılıb. İstintaq nəticəsində aydın
olub ki, Çoxatauri bələdiyyəsinin Buknari kənd sakini Q.S. bu il 12
yanvar tarixində həmkəndliləri – 2003-cü il təvəllüdlü N.İ və
2003-cü il təvəllüdlü M.İ. ilə qarşıdurma zamanı onlara daşla
başlarından xəsarət yetirib.
Faktla bağlı Gürcüstan Cinayət Məcəlləsinin qəsdən xəsarət
yetirməni nəzərdə tutan 126-cı maddəsi ilə cinayət işi açılıb.
Həmin maddəyə görə, hadisəni törədən şəxsi 6 aydan 1 ilədək həbs
cəzası gözləyir.
Bu gün, 13 yanvar tarixində isə Kobuleti və Quria
müftisi Aslan Beridze yaşanan qarşıdurmaya görə Buknari kəndinə
gedib. Aslan Beridze müsəlmanların ibadət üçün toplaşdığı evi
ziyarət edərək müsəlmanlarla görüş keçirib. Görüş zamanı o,
müsəlmanların ibadətlərini dayandırmayaraq davam edəcəklərini və
məsələ ilə bağlı dövlət nümayəndələri ilə görüşəcəyini
bildirib.
Bu gün, 13 yanvar tarixində də Buknari kəndində qarşıdurma davam
edib. Hadisə yerinə çox sayda polis səfərbər olunub.
Dinlə bağlı daha bir qalmaqal isə ötən gün
“Mtavari” kanalının rəhbəri Nika Qvaramianın çıxışından
sonra baş verib. Qvaramia Bidzina İvanişvilinin siyasətdən
getməsi ilə bağlı yazdığı məktuba fikir bildirib. O, İvanişvilinin
Gürcüstanın sabiq prezidenti Mixeil Saakaşvilini Allah, Qvaramianı
isə onun Peyğəmbəri, Məhəmməd olaraq düşündüyünü deyib. Bundan
sonra
Zaur Darğallı ,
Savalan
Mirzəyev ,
Ruslan Hacıyev və
Gürcüstan Müsəlmanları İdarəsinin şeyxi və
Ruhanilər Heyəti Qvaramianın bu fikirərinə etiraz edərək onun
dərhal müsəlmanlardan üzr istəməsini tələb etmişdilər.
VIDEO