Seçki öncəsi, seçki və seçki sonrası dövrlərdə, yəni siyasətçilərin
aktivliyi artdıqda və bəyanatlarının mediada və sosial şəbəkələrdə
yayımlanması zamanı qadın siyasətçilər
daha çox ayrı-seçkilik kampaniyalarının hədəfinə çevrilir. Media
İnkişaf Fondu məhz bu kampaniyaları izləyirdi və aralıq hesabatı
yayımlayıb.
"Sosial mediada seksizm və cinsi stereotiplər" adlı araşdırma üç
aylıq monitorinqin nəticələrini (4 avqust - 4 noyabr) əks etdirir.
Monitorinq nəticəsində cinsi nifrət dili/gender stereotipləri ilə
bağlı ümumilikdə 213 hal aşkarlanıb. Aşkar edilmiş pozuntular üç
mövzunu əhatə edirdi: siyasət, cinsiyyət və qanunvericilik. Ən çox
– 136 pozuntu siyasət mövzusunda aşkar edilmişdir ki, bu da daha
çox seçkiqabağı siyasi proses və burada iştirak edən subyektlərlə
bağlı idi. Bu mövzuya qadın siyasətçilərin siyasi mənsubiyyətləri
və fəaliyyətlərinə görə cinsiyyətçi nifrət dilinin və stereotipin
hədəfinə çevrildikləri hallar daxil edildi. Cinsə görə, cinsi
ayrı-seçkilik faktlarını əhatə edən ikinci mövzuda qadın
siyasətçilərin cinsiyyətlərinə görə hədəf alındığı 75 hal qeydə
alınmışdı.
Siyasətdə qadınlar əxlaqi meyarlarla hücuma məruz qalır, cinsi
stereotiplərlə məzəmmət edilir, xarici görünüşü və əqli
qabiliyyətlərinə görə lağa qoyulur və təhqir olunur, onlara qarşı
cinsiyyətçi dil istifadə olunur və münasibətdə yaşla bağlı
diskriminasiya müşahidə olunur.
"Siyasi fəaliyyətə əsaslanan nüfuzdan salma kampaniyası ilə
cinsiyyətə əsaslanan nüfuzdan salma kampaniyası arasında fərq
qoyulması vacibdir. Birinci halda motivasiya cinsi kimlik deyil,
siyasi rəqabət olsa da, hər iki halda da qadınların nüfuzdan
salınması üçün cinsiyyətçi dildən istifadə olunur. Bu tip
monitorinqlər gələcəkdə həm problemlərin müəyyənləşdirilməsi, həm
də bu problemlərin həlli üçün bu məsələlər üzərində işləyən
aktorların müzakirələrə başlaması baxımından daha mühüm olacaq", –
MDF İcraçı Direktoru Tamar Kintsuraşvili dedi.
Qeyd edək ki, kampaniyanın başlama səbəbinini siyasi fəaliyyət
olmasına baxmayaraq, nüfuzdan salma kampaniyasında gender
stereotiplərindən istifadə olunur.
“Elene Xoştariaya qarşı aparılan kampaniya onun Patriotlar
İttifaqının Rusiya ilə əlaqələrinin araşdırılması üçün prokurorluğa
müraciəti ilə əlaqələndirilirdi. Bu siyasi proseslərin tərkib
hissəsi idi, lakin siyasi rəqabət prosesində rəqibin “insani
keyfiyyətləri” vurğulanırdı və təhqiramiz terminlərdən istifadə
olunurdu”, Tamar Kintsuraşvili deyir.
Elene Xoştaria Prokurorluğa “Dossier Center” tərəfindən Patriotlar
İttifaqının Rusiyadan maliyyələşdirilməsi ilə bağlı jurnalist
araşdırmasını yayımlandıqdan sonra müraciət etmişdi.
Sosial şəbəkədə Elene Xoştariyanın Rusiyada təhsil aldığından bəhs
edilirdi və onun Rusiyaya qarşı yaxşı münasibəti olduğu yazılırdı,
paralel olaraq Xoştaria "qadına yaraşmayan" davranışına görə təhqir
edilirdi.
Nifrət dilinin hədəfi təkcə müxalifətdəki qadınlar deyil, dövlət
məmurları da olurdu. Məsələn, prezident Salome Zurabişvili tez-tez
oxşar hücumların qurbanı olurdu. Belə hallardan biri də Prezidentin
Kutaisi Universitetinin açılışında “gələcək nəsillərə miras”
anlamına gələn "საშვილიშვილო" sözünü səhv tələffüz etməsi idi.
Sosial media istifadəçiləri Zurabişvilinin çıxışını daha da təhrif
edərək fərqli bir məna verdilər və nəticədə hədəfin Gürcüstan
prezidenti olduğu adi dezinformasiya kampaniyası ilə
qarşılaşdıq.
"Gürcü dili onun birinci dili deyil və məhz bu vurğulanır,
sitatları təhrif olunur. İctimaiyyət həssasdır və belə komik fərq
olan bir sitatı söyləməsinə asanlıqla inanır", – Tamar
Kintsuraşvili deyir.
Bu iş onun intellektual bacarıqlarını alçaltmağa yönəlmişdi. Fakt
araşdırma platforması "Mif Detektoru" bu məlumatı “Third party
Fact-Checking program” çərçivəsində “Facebook”-da yerləşdirdikdən
sonra, saxtalaşdırılma halı hesab sahibinin özü tərəfindən
silindi.
MDF-in tədqiqatçısı Keti Msxiladze cinsi ayrıseçkiliyin sosial
mediada niyə bu qədər yayıldığını izah edir.
"Seksizm çox yayılıb. Qadınlara qarşı ayrıseçkilik əhval ruhiyyəsi
və münasibəti, həmçinin cinsiyyətçi dildən istifadə çox yayılıb və
bu xüsusilə sosial mediada nəzərə çarpır. Ənənəvi media,
televiziyalar cinsi ayrıseçkiliyin nə olduğunu, cinsiyyətçi dilin
nə olduğunu öyrəndilər və artıq əvvəlki illərlə müqayisədə belə
hallara orada nadir hallarda rast gəlirik. Tənzimlənməyən sosial
mediada (tənzimlənməməlidir də) tam bir sərbəstlikləri var və nə
istəsələr, necə istəsələr, elə də yaza bilirlər", – Keti Msxiladze
deyir.
Tədqiqatçının sözlərinə görə, qadın siyasətçilərə qarşı istifadə
olunan terminologiyaya kişi siyasətçilərinin qiymətləndirilməsi
zamanı daha az rast gəlirik.
"Gürcüstan kimi patriarxal cəmiyyətdə qadınlar haqqında belə bir
stereotip var ki, onların siyasətdə yerləri yoxdur, çünki siyasət
üçün əlavə bacarıqlara da ehtiyac var ki, bu da guya kişilərdə daha
çox inkişaf edib", – Keti deyir və bunu hesabatın əsas motivasiyası
kimi izah edir.
Seksist nifrət nitqinin qarşısının alınması və ya aradan
qaldırılması üsullarına gəlincə, hər iki respondent sosial şəbəkədə
əsas silahlardan birinin paylaşımın “Facebook”-a şikayət
edilməsidir, bundan başqa saxta məlumatlar olduğu halda “mif
detektorunun” “Facebook” ilə tərəfdaşlıq proqramından istifadə
etmək mümkündür ki, bu da səhv paylaşımları “Facebook”-da
işarələməyə imkan verir. Digər ictimai məkanlarda qadınların
nüfuzdan salınması ilə isə danışıq və mübahisə edərək mübarizə
aparmalıyıq.
Araşdırmanın nəticələri, eləcə də cinsiyyətlə bağlı digər məsələlər
Birləşmiş Millətlər Təşkilatının İnkişaf Proqramı (UNDP) və İsveç
hökumətinin dəstəyi ilə hazırlanmış və cinsi ayrı-seçkilik
hallarını ifşa etməyi və cəmiyyətin maarifləndirilməsini hədəfləyən
yeni veb-saytda – www.genderbarometer.ge mövcuddur.
"მასალა ქვეყნდება მედიის განვითარების ფონდთან (MDF)
თანამშრომლობით, პროექტ "გენდერ ბარომეტრის" ფარგლებში, გაეროს
განვითრების პროგრამისა (UNDP) და შვედეთის მთავრობის მხარდაჭერით.
მასალაში გამოთქმული მოსაზრებები ავტორისეულია და შეიძლება არ
ასახავდეს ზემოთ ჩამოთვლილი საერთაშორისო ორგანიზაციების
მოსაზრებებს."