20 mart tarixində Tbilisidə Novruz bayramının gəlişi ilə əlaqədar
olaraq "Novruz Festival"ı keçiriləcək.
Festival M.F.Axundzadə adına Azərbaycan Mədəniyyəti Muzeyi və
Gürcüstan Azərbaycanlıları Ağsaqqallar Şurasının təşəbbüsü, Tbilisi
meriyasının, eləcə də Azərbaycan Respublikasının Gürcüstandakı
Səfirliyinin dəstəyi ilə baş tutacaq.
Bu barədə "Marneuli" radiosuna Azərbaycanın Gürcüstandakı
səfirlikdən məlumat verilib.
Məlumata görə, şənlik Tbilisi şəhərinin mərkəzində, Abanotubani
küçəsində (Heydər Əliyev parkının yanı) keçiriləcək.
"Gürcüstandakı azərbaycanlı icmasının Novruz adət-ənənələrinin,
milli rəqslər, mahnılar və mətbəximizin geniş təqdimatı olacaq bu
tədbir 20 mart 2024-cü il tarixində saat 13:00-da başlayacaq, saat
18:00-dək davam edəcəkdir. Bayram şənliyində həmçinin Novruz
Bayramının qeyd olunduğu Türkiyə, Qazaxıstan, Türkmənistan və
İranın Gürcüstandakı səfirlikləri də öz xalqlarının Novruz
ənənələrini nümayiş etdirəcəklər.
Novruz Bayramı şənliyində Aşıq Nargilə, “Sarvan” rəqs qrupu,
Xırdalan Musiqi Məktəbinin ansamblı, eləcə də “Ceyran”, “Buta”,
“Çıraqdani”, “Qvirila” ansamblları, müğənnilər Nikos Bandi, Oto
Bazeraşvili, Dito Kitsişvili, həmçinin bir çox digər ifaçılar da
çıxışlar edəcəklər", – səfirliyin məlumatında
deyilir.
Qeyd edək ki, Novruz bayramı axşamı martın 21-də qeyd olunacaq.
Bizi Teleqramda izləyin! Yeni xəbərlər anında kanalda!
Linkə daxil olub
abunə olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli" radiosunun
Facebook səhifəsində.
Bizi
"Telegram"da
izləyin.
Şahidi olduğunuz hadisələri çəkib bizə göndərin!
+995557994415