Filippin Prezidenti Rodriqo Duterte əhalini ona inanmadıqları və
ciddi karantin qaydalarına əməl etmədikləri təqdirdə hərbi vəziyyət
tətbiq etməklə hədələyib.
“Mən yalnız bir az nizam-intizam istəyirəm. Mənə
inanmırsınızsa, o zaman polis və hərbçilər sizə nəzarət edəcəklər.
Qanun hərbçilər və polislər tərəfindən tətbiq ediləcək və hərbi
vəziyyət elan olunacaq. Seçiminizi edin!" – Duterte
deyib.
Bu, Filippin prezidentinin əhalini təhdid etdiyi ilk hal deyil.
Duterte bir müddət əvvəl karantin pozanları öldürmək üçün hüquq
mühafizə orqanlarına icazə vermişdi.
Filippində koronavirusa 5660 yoluxma halı qeydə alınıb. Virus
ölkədə 360 nəfərin ölümünə səbəb olub.