Rusiya Federasiyasının Xarici İşlər Naziri, Sergey Lavrovun
bəyənnaməsinə görə, Rəsmi Moskva Gürcüstanla ticari
nümayəndəliyinin açılışını müzakirə etməyə hazırdır.
Bu haqda məlumatı rus dövlət mediası “Tass” yayır. Ancaq Lavrov
sözügedən təklifin gürcü tərəfindən gəlməli olduğunu qeyd edir.
"Diplomatik əlaqələrin kəsilməsinin təşəbbüskarı biz
olmadığımızdan, onları qaydasına salmağa hazırıq. Yəqin ki, gürcü
həmkarlarımızın bu mövzuya nə vaxt toxunacağını gözləməliyik.
Həmçinin Ticari Nümayəndəlik müəyyən razılıqların mövcud olmasını
nəzərdə tutur. Bunun dərhal hansısa fayda gətirəcəyini düşünmürəm,
lakin bununla bağlı hərhansısa bir təklif alsaq, mövzunun
mümkünlüyünü müzakirə edəcəyik", – deyə Lavrov
bildirib.
"Tass"-ın verdiyi məlumata görə, Lavrov Gürcüstanla əməkdaşlığın
inkişafına maraqlıdı və bunu
"mümkün qədər geniş
şəkildə hər iki ölkə vətəndaşlarının və xalqının
xeyrinə" etmək lazımdır.
"Əgər bizim tam hüquqlu səfirliyimiz olsaydı, iqtisadi
və ticari iş birliyimiz və mədəni əlaqələrimiz daha tez və səmərəli
şəkildə həll edilərdi",–deyə o, bildirib.
Bundan başqa Lavrov Moskvanın yaxın gələcəkdə Gürcüstanla hava
əlaqələrinin bərpa olunmasını məsələsinin həll ediləcəyinə ümid
etdiyini bildirib.