Rusiyanın baş naziri Mixail Mişustin koronavirusa yoluxub.
Rusiyanın dövlət mətbuatı “Tass”ın yazdığına görə, bu haqda
Mişustinin özü bildirib.
“İndicə məlum oldu ki, koronavirusa görə götürülən
testlərimin nəticəsi müsbət çıxıb”, – deyə o
videokonfrans zamanı prezident Vladimir Putinə məlumat verib.
“Tass”ın verdiyi məlumata görə, Mişustinin vəzifəsini onun birinci
müavini Andrey Belousov icra edəcək.
30 aprel tarixinə olan rəsmi məlumatlara görə, Rusiyada
koronavirusa ümumilikdə 106 000-dən artıq insan yoluxub. 11 619
nəfər sağalıb, 1073 nəfər vəfat edib.