Gürcüstanın Türkiyədəki səfirliyindən verilən məlumata görə, qonşu
ölkəyə müalicəyə getmək istəyən vətəndaşlar viza aldıqları təqdirdə
səyahət edə biləcəklər.
Bu barədə bəyanat sosial şəbəkədə yayımlanıb.
"Türkiyə Respublikasında tibbi xidmət almaq istəyən Gürcüstan
vətəndaşı, Türk Beynəlxalq Tibb Agentliyi (“USHAŞ”) tərəfindən
verilən icazəni aldıqdan sonra müalicə məqsədi ilə viza üçün
Türkiyə Respublikasının Tbilisi və ya Batumidəki Konsulluq
Xidmətinə müraciət etməlidir", – səfirliyin
açıqlamasında bildirilir.
Türkiyə Səhiyyə Nazirliyi mayın 22-də Gürcüstan vətəndaşları da
daxil olmaqla 31 ölkədən olan xəstələrin Türkiyəyə daxil olmasına
icazə vermək barədə qərar qəbul edib.
Səfirlikdən verilən məlumata görə, xəstə və ya onu müşayiət edən
şəxs tibbi yardım almaq üçün ilk növbədə Türkiyədəki müvafiq
klinikaya müraciət etməlidir.
Xəstə və ya onu müşayiət edən şəxs Türkiyə Beynəlxalq Tibbi Xidmət
Agentliyinin veb saytında –
https://covid19st.ushas.com.tr/ saytında
qeydiyyatdan keçməli və tələb olunan sənədləri yükləməlidir.
İcazəni aldıqdan sonra xəstə və ya onu müşayiət edən şəxs müvafiq
klinika ilə nəqliyyat məsələsini planlaşdırmalıdır (xəstəni və onu
müşayiət edən şəxsi avtomobil və ya hava reanimatoru ilə nəql etmək
lazımdır).
Səfirlikdən verilən məlumata görə, xəstə ilə birlikdə yalnız 2
müşayiət edən şəxsə icazə verilir.
Əlavə məlumat üçün Gürcüstanın Ankaradakı səfirliyinin qaynar
xəttinə müraciət edə bilərsiniz: Tel:
+90 533 690 30 40;
+90 539 220 82 80
Mənbə: ajaratv.ge