Ukraynanın xarici işlər naziri Dmitri Kuleba dövlətləri Ukraynada
oğurlanmış taxılı Rusiyadan almamağa və Rusiya cinayətlərinə şərik
olmamağa çağırıb.
Kulebanın Twitter-də yazdığına görə, oğurluq heç kimə bəxt
gətirməyib.
"Rus oğruları Ukrayna taxılını oğurlayır, gəmilərə yükləyir, Bosfor
boğazından keçərək xaricə satmağa çalışırlar. Mən bütün dövlətləri
ayıq olmağa və bu cür təkliflərdən imtina etməyə çağırıram.
Oğurlanmış malları almayın. Rusiya cinayətlərinin ortaqlarına
çevrilməyin. Oğurluq heç kimə bəxt gətirməyib”, -
deyə Kuleba yazıb.