Rusiyanın Ali Məhkəməsinin LGBT hərəkatına "ekstremist" adı
verilməsi ilə
bağlı qərarının ölkədə gey və transgenderlərə qarşı repressiyaları
gücləndirməsinə imkan verəcək qorxularla bağlı qlobal etiraza səbəb
olub.
Noyabrın 30-da məhkəmə qapalı keçirilən iclasdan sonra bildirib ki,
Ədliyyə Nazirliyinin ölkədə fəaliyyətini qadağan edən "beynəlxalq
LGBT ictimai hərəkatını" ekstremist kimi qələmə vermək tələbini
təsdiqləyib.
Rusiyanın hüquq-müdafiə təşkilatları "Bir qrup insanın sadəcə
olaraq hansısa sosial qrupa mənsub olduqlarına və ya hansısa şəxsi
xüsusiyyətlərinə görə birləşdirdiklərinə görə "ictimai hərəkat"
adlandırmaq olmaz" deyərək, Ali Məhkəmədən nazirliyin tələbini rədd
etməyi xahiş etmişdi.
Qərar Rusiyada LGBT hüquqlarına vurulan ən son zərbədir. Prezident
Vladimir Putin keçən il 2013-cü ildə qəbul edilmiş "gey
təbliğatının" uşaqlar arasında yayılmasını qadağan edən qanunun
əhatə dairəsini bütün yaş qruplarına aid etməklə,
genişləndirdi.
BMT-nin insan haqları üzrə komissarı Volker Türk "Rusiya hökumətini
hüquq müdafiəçilərinin işinə məhdudiyyətlər qoyan və ya LGBT-yə
qarşı ayrı-seçkilik yaradan qanunları dərhal ləğv etməyə çağırıram"
deyib.
Amnesty İnternational bu qərarı tənqid edib. "Bu biabırçı və absurd
qərar Rusiya hökumətinin LGBT icmasına qarşı kampaniyasında yeni
cəbhəni təmsil edir" - deyə, Amnesty İnternational-ın Şərqi Avropa
və Mərkəzi Asiya üzrə direktoru Mari Struters bildirib.
Rusiyanın qanunu vətəndaşlara və təşkilatlara ekstremist təşkilatı
dəstəkləməyi və ya təbliğ etməyi, o cümlədən onun simvolunu onlayn
və ya oflayn rejimdə nümayiş etdirməyi qadağan edir. Cəzalar
cərimədən tutmuş həbsə qədər ola bilər.