Cənubi Osetiyanın qondarma Nazirlər Kabinetinin mətbuat xidmətinin
məlumatına görə,
Moskvaya işgüzar səfəri zamanı Cənubi Osetiya qondarma
Respublikasının sədri Konstantin Jusoyev və Nazirlər Sovetinin sədr
müavini Krım Respublikasının Rusiyadakı daimi nümayəndəsi Qiorqi
Muradov Cənubi Osetiya ilə Krım arasında ticarət əməkdaşlığının
dərinləşdirilməsi və nəqliyyat əlaqələrinin yaradılması
məsələlərini müzakirə edib.
“Görüşdə Krım Nazirlər Şurası ilə Cənubi Osetiya
hökuməti arasında ticarət-iqtisadi, elmi-texniki və mədəni
əməkdaşlıq haqqında sazişin həyata keçirilməsi üzrə birinci iclasın
nəticələri müzakirə olunub. Həmçinin ötən il imzalanmış protokol və
təsdiq edilmiş tədbirlər planı ilə ikitərəfli işlərin həyata
keçirilməsi üçün gələcək addımlar barədə danışılıb”,
- deyə mətbuat xidmətindən bildirilib.
Tsxinvali bildirir ki, tərəflər birgə işçi qrup vasitəsilə işi
davam etdirməyə hazır olduqlarını təsdiqləyiblər.
Ukraynanın Krım ərazisi 2014-cü ildən Rusiya tərəfindən ilhaq
edilib.