Polşa polisi həftəsonu baş vermiş insidentlə bağlı araşdırmaya
başlayıb, polşalı fermerlər Ukrayna taxılı ilə yüklənmiş 3 yük
maşını sərhəd keçidində saxlayıb yükü yerə atmaqda
günahlandırılıb.
Hadisə fevralın 11-də Yaqodin-Dorohuski keçid məntəqəsində baş
verib və polşalı fermerlərin Aİ-nin kənd təsərrüfatı siyasətlərinə,
o cümlədən Ukrayna taxılının Polşaya daxil olmasına icazə verən
tədbirlərə qarşı geniş etirazlarının davamı olub.
Ukraynanın xarici işlər naziri Dmitri Kuleba fevralın 12-də baş
verənləri “qəbuledilməz” adlandırıb və bildirib ki, iştirakçılar
məsuliyyətə cəlb edilməlidir.
Ukraynanın ticarət nümayəndəsi Taras Kaçka Facebook-da yazıb ki,
zədələnmiş taxıl Litvaya aparılırmış və insident sərhəd zorakılığı
ilə bağlı narahatlıq yaradır.
Polşa fermerləri keçən həftə Polşa ilə Ukrayna arasında bütün
sərhəd keçidlərinin bağlanmasından başlayaraq ümumi tətil
planlarını açıqlamışdılar.