İsveçin NATO-ya daxil olması ilə bağlı protokol rəsmi
olaraq qüvvəyə minib.
Bu barədə ABŞ Dövlət Departamenti məlumat yayıb.
“İsveç Krallığının Şimali Atlantika Müqaviləsinə
qoşulması haqqında protokolun ikinci maddəsində göstərilən qüvvəyə
minmə şərtləri yerinə yetirilib. Müvafiq olaraq, protokol 2024-cü
il martın 7-dən qüvvəyə minib”, - məlumatda qeyd
edilib.
Bununa yanaşı NATO-nun baş katibi Yens Stoltenberq “X” sosial
şəbəkə hesabında (keçmiş “Twitter”) paylaşım edib ki, NATO-nun
Brüsseldəki mənzil-qərargahında İsveç dövlət bayrağının
qaldırılması mərasimi martın 11-də baş tutacaq.
“Artıq rəsmidir: İsveç NATO-nun 32-ci üzvü oldu. Bazar
ertəsi NATO-nun mənzil-qərargahında İsveç bayrağının qaldırılması
mərasimini səbirsizliklə gözləyirəm”, - o yazıb.