ABŞ prezidenti Donald Tramp Ukraynada müharibəyə son qoymağın zəruriliyini təkrar etdiyi vaxtda Ukrayna prezidenti Volodimir Zelenski sülhə nazil olmaq üçün istefaya getməyə hazır olduğunu bildirib. Amerikanın Səsinin müxbiri Veronika Balderas İqlesias təfərrüatları çatdırır.

Bazar ertəsi Rusiyanın Ukraynaya hərbi müdaxiləsinin 3-cü ildönümüdür və münaqişənin sona çatması yüksək risk altındadır.

ABŞ Prezidenti Donald Tramp şənbə günü Mühafizəkarların Siyasi Fəaliyyət Konfransında çıxış edərkən bunu bir daha vurğulayıb.

“Bu, bitməlidir. Bu dəhşətlidir, bunu izləmək dəhşətlidir. Mən prezident Zelenski ilə təmasdayam. Mən prezident Putinlə danışıram”, - ABŞ prezidenti qeyd edib.

Tramp həmçinin Amerikanın Kyivə müharibə üçün göndərdiyi hərbi yardım müqabilində ABŞ-a Ukraynanın təbii sərvətlərinə çıxış hüququnu verəcək sazişə toxunub.

"Mən istəyirəm ki, verdiyimiz bütün maliyyə qarşılığında onlar bizə nəsə versinlər. Ona görə də biz nadir torpaq mineralları və neft, əldə edə biləcəyimiz hər şeyi istəyirik", - Tramp bildirib.

Bazar günü ABC-nin “This Week” verilişinə müsahibə verən Respublikaçı Mayk Louler deyib ki, Ukrayna prezidenti Volodimir Zelenski Tramp administrasiyası ilə işləməlidir, xüsusən də iqtisadi əməkdaşlıq çərçivəsində.

“Birləşmiş Ştatlar Ukraynanı dəstəkləmək üçün yüz milyardlarla dollar sərmayə qoyub və bu müharibə nəhayət başa çatdıqda, Ukraynanın yenidən qurulması üçün əhəmiyyətli investisiyalara ehtiyacı olacaq”, - Mayk Louler bildirib.

Bazar günü Kyivdə keçirilən forum zamanı prezident Zelenski ABŞ-la tərəfdaş kimi dialoqu davam etdirməyə hazır olduğunu bildirib və sülh naminə kənara çəkilməyə hazır olacağına işarə edib.

"Əgər sülhə nail olmaq üçün mənim həqiqətən vəzifəmi tərk etməyimə ehtiyac varsa, mən hazıram. Əgər belə şərtlər olarsa, onu NATO-ya dəyişə bilərəm", - Zelenski bildirib.

Demokrat senator Cek Rid ABC telekanalına deyib ki, ABŞ sülh danışıqlarında həm Rusiya, həm də Ukrayna rəhbərliyi ilə sıx əməkdaşlıq etməlidir, lakin o, qarşıda bəzi çətinliklərin olacağını gözləyir.

"Mən belə düşünürəm ki, əgər bu baş verərsə, münaqişənin həllindən sonra, rusların ukraynalılara qarşı əks ittihamları, həqiqətən də dəhşətli olacaq. Belə ki, onlar, onlara qarşı olduğunu düşündükləri hamını bilərəkdən təqib edib, məhv edəcəklər", - Demokrat Senator Cek Rid bildirib.

Bu arada Rusiyada prezident Vladimir Putin bazar günü “Vətənin Müdafiəçisi Günü” münasibətilə keçirilən mərasimlərdə iştirak edib.

O, həmçinin Ukraynada döyüşən əsgərlərə medallar təqdim edərək öz qoşunlarını yeni və müasir silah və texnika ilə dəstəkləməyə davam edəcəyinə söz verib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---