Gürcüstanın baş naziri İrakli Kobaxidze və “Gürcü Arzusu” hökumətinin nümayəndələri rəsmi səfərlə Macarıstandadır.

Bu gün, 11 iyun tarixində, Tbilisi və Budapeşt arasında hökumətlərarası komissiyanın ikinci iclası keçirilib. Görüş çərçivəsində bir sıra əməkdaşlıq memorandumu imzalanıb.

İclasdan və sənədlərin imzalanmasından sonra Viktor Orban və İrakli Kobaxidze birgə mətbuat konfransı keçiriblər. Orban bir daha “Gürcü Arzusu” hökumətinə təriflər yağdırıb:

“Hər kəs onlara həsəd aparır. Biz də həsəd aparırıq – 7 faiz iqtisadi artım. Bu böyük nəticədir... Bu cür nəticələrə nail olan baş nazirlə görüş bizim üçün şərəfdir. Bu, asan olmayıb. Biz, macarlar, çox istərdik ki, 2022-ci ildə – qlobal liberal meynstrim qüvvələr bizi və sizi dayandırmağa çalışdığı dövrdə – bu cür nəticəyə sahib olaq. Gürcüstan hökuməti oş Avropa İttifaqının mübarizədən çəkindiyi ölkələr üçün "qurddur". Çünki Gürcüstan ilk müqavimət göstərənlərdən idi"

Baş nazir İrakli Kobaxidze Viktor Orbana Gürcüstanın Avropa İttifaqına inteqrasiyası yolunda göstərdiyi güclü dəstəyə görə təşəkkür edib:

“Macarıstan Gürcüstanın suverenliyi və ərazi bütövlüyünün qətiyyətli müdafiəçisidir. Bizim üçün, həmçinin, Avropa inteqrasiya yolunda Macarıstanın – sizin şəxsən və macar hökumətinin – verdiyi dəstək də son dərəcə önəmlidir. Macarıstan Gürcüstanın Avropa yolunda ən güclü tərəfdaşı olaraq qalır.”

İrakli Kobaxidze və hökumət nümayəndələri – Levan Davitaşvili, Maka Boçorişvili, Davit Sonqulaşvili, İrakli Çikovani və digərləri – 10 iyun tarixində Macarıstana səfər ediblər.

Qeyd edək ki, Macarıstan Avropa İttifaqında istisna təşkil edən ölkələrdən biridir – onun liderləri hələ də “Gürcü Arzusu” hökumətinin yüksək səviyyəli nümayəndələri ilə görüşürlər. Bu Gürcüstan hakimiyyətinin son dönəmdə ölkədə müstəqil QHT-lərin və medianın fəaliyyətini ciddi şəkildə məhdudlaşdırdığı halda baş verir.

 

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---