Marneulili idmançı Fərid Ocaqverdiyev Bakıda keçirilən Beynəlxalq
Turnirdə iştirak edib.
Bu haqda məlumatı "Marneuli" radiosu ilə söhbəti zamanı "Gorarxı"
idman klubunun baş məşqçisi Tofiq Əkbərov verdi. Onun sözlərinə
görə, Bakıda təşkil olunmuş turnir 2 fevral tarixində Azərbaycan
Muaytay Federasiyasının təşkilatçılığı ilə keçirilib və Fərid
Ocaqverdiyev bu yarışda gümüş medal qazanıb.
"Fərid Ocaqverdiyev "Gorarxı" idman klubunun üzvüdür və
o, Bakıda keçirilən turnirə Gürcüstan Kikboksinq Federasiyası
tərəfindən qatılıb. 45 kq çəki dərəcəsində mübarizəyə qatılan
Marneulili idmançımız bütün rəqiblərinə qalib gələrək finala
yüksəldi. Amma finalda rəqibinə məğlub olaraq gümüş medala sahib
olub", – Tofiq Əkbərov dedi.
Onu da əlavə edək ki, turnirdə Azərbaycan, Gürcüstan, Rusiya, İran,
Türkiyə idmançıları iştirak ediblər.