Azərbaycanlı futbolçu karyerasını Gürcüstanda davam etdirəcək
Azərbaycanın “Səbail” klubundan ayrılan Vüqar Bəybalayev
karyerasını Gürcüstanda davam etdirəcək.
"Marneuli" radiosu AZƏRTAC-a istinadən xəbər verir ki, 27 yaşlı
futbolçu “Telavi” klubuna keçib.
Yarımmüdafiəçi ilə müqavilənin şərtləri açıqlanmayıb. Futbolçu yeni
klubunda 15 nömrəli formada çıxış edəcək.
“Telavi” Gürcüstanın yüksək liqasında 5 turdan sonra topladığı 5
xalla 10 komanda arasında 7-ci pillədə qərarlaşıb.