Bu gün, 12 sentyabr tarixində Marneuli Bələdiyyə Məclisinin iclası
baş tutub.
İclasda ikinci məsələ olaraq Bələdiyyə Məclisinin sədr müavini
Riçard Qiqaninin izahatnaməsi müzakirə edilib. Məsələnin məruzəçisi
Teona Parciani iclasda bildirib ki, izahatnamə ilə Şermadin
Boçoidze və Tamaz Boçoidzenin pul mükafatı ilə həvəsləndirilməsi
tələb edilir.
“Daha dəqiq diqqətinizə çatdırım ki, cari ilin 30
avqust tarixində Qazaxıstanda, Alma-Ata şəhərində qol güləşi üzrə
keçirilən dünya çempionatında Marneuli bələdiyyəsinin idmançısı
Tamaz Boçoidze 90 kq çəki dərəcəsində çempion titulu qazanıb. Ümumi
çəkidə isə ikinci mükafat yeri tutub. Onu qeyd olunan çempionat
üçün Şermadin Boçoidze hazırlayıb və xahiş edirik, qeyd olunan
məsələyə səs verək”, – Teona Parciani bildirib.
Bələdiyyə Məclisinin sədri Amiran Qiorqadze iclasda Şermadin və
Tamaz Boçoidzelərə pul mükafatının verilməsi ilə əlaqədar şərh
verib.
“Mən bir daha Bələdiyyə Məclisi və əhali adından cənab
Tamaz Boçoidzeni dünya çempionluğu münasibətilə təbrik edirəm. Bu
çox böyük uğurdur və gələcəkdə daha böyük uğur qazanmasını arzu
edirəm. Biz bütün idmançılarımıza imkan daxilində dəstək
göstərəcəyik və şərait yaradacağıq ki, öz bacarıqlarını müxtəlif
yarışlarda nümayiş etdirsinlər”, – Amiran Qiorqadze
bildirdi.
Qazaxıstanda keçirilən dünya çempionatında Marneulidən rəsmi heyət
iştirak edib.