Marneuli yerli özünüidarəsi məktəblilərin idman olimpiadası üçün sadələşdirilmiş qaydada kubok, medal, sertifikat və idman ləvazimatları alıb.

Sadələşdirilmiş müqaviləyə əsasən, 2024-cü ilin sonuna qədər Marneuli məktəblərində idman olimpiadası keçiriləcək.

“Gürcüstan ümumtəhsil məktəblərinin idman olimpiadası başlayıb və 2024-cü ilin sonunda başa çatacaq. Resurs Mərkəzindən verilən məlumata görə, bələdiyyəmizdən 30 ictimai məktəb bu tədbirdə iştirak etmək istəyini bildirib”, – Sadələşdirilmiş müqavilədə göstərilib.

Məlumata görə, Marneuli meriyası məktəblilərin idman olimpiadası üçün aşağıdakı ləvazimatları alıb:

• 1) Diplom- 240 ədəd
• 2) 234 medal (1-ci, 2-ci və 3-cü yerlər)
• 3) Kubok -10 ədəd
• 4) Futbol topu – 3 ədəd
• 5) Basketbol topu – 2 ədəd
• 6) Voleybol topu – 2 ədəd
• 7) Stolüstü tennis dəsti – 1 dəst (2 raketka və tor)
• 8 ) Futbol hakimi xidməti – 1 (nəfər).

Marneuli meriyası fərdi sahibkar Kənan Əliyevlə sertifikat, medal və kubokların alınması üçün müqavilə imzalayıb. Meriya Kənan Əliyevə 10 kubok, 234 medal və 240 sertifikata görə 2 300 lari ödəyəcək.

İdman ləvazimatlarına gəlincə, meriya fərdi sahibkar Elgün Xudiyevdən 3 futbol topu, 2 basketbol topu və 2 voleybol topu, stolüstü tennis raketkası, tor alıb. Yerli özünüidarə Xudiyevə 375 lari ödəyib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---