2020-ci ilin yanvar ayında Gürcüstanda dövriyyədə olan pulun
miqdarı 8,4% azalıb.
Bu haqda Gürcüstan Milli Bankı tərəfindən yayımlanan statistikada
bildirilib.
Statistikaya görə, 2019-cu ilin dekabrında Gürcüstanda dövriyyədə
olan pulun miqdarı 4,137,012,000 lariyə qədər artıb, yanvar ayında
isə təqribən 347 milyon lari azalaraq 3,789,584,000 lari olub.
Gürcüstanda dövriyyədə olan pulun miqdarı son bir neçə il ərzində
yüksək sürətlə artıb. Yanvar ayında dekabr ayı ilə müqayisədə
azalmasına baxmayaraq illik hesabda 15,2% artım olub. Bu isə ölkədə
olan iqtisadi artımdan olduqca çoxdur. Son üç il ərzində
dövriyyədəki pulun miqdarı 35,8% artıb.
Mənbə: bm.ge