İqtisadiyyat və Davamlı İnkişaf naziri Natia Turnava, Avstriyanın
“OMV” qrupuna üzv şirkətin Qara dənizdə neft çıxaracağını bildirib.
Turnavanın jurnalistlərə verdiyi məlumata görə, şirkət Neft və Qaz
Agentliyinin elan etdiyi beynəlxalq tender əsasında seçilib.
"İyunun 22-də Neft və Qaz Agentliyi Qara dənizdə neft və qaz
ehtiyatlarından istifadə üçün ümumi lisenziya əldə etmək üçün açıq
beynəlxalq tender keçirdi. İkinci lisenziya blokunda “OMV” neft
şirkətləri qrupunun üzvü olan "OMV Petroleum" tender komissiyasının
rəyi əsasında qalib gəldi. Bu şirkət neft hasilatı və emalı
sahəsində Avstriya nəhəngidir. Neft şirkətləri arasında Avropada
10-cu yeri tutur. Gürcüstana böyük və məşhur bir investorun gəlməsi
həqiqətən sevindirici haldır. İkincisi, bu investor ehtiyatlar və
mineral hasilatı sahəsinə girir ki, bu da burada çox yaxşı şərait
yaratdığımıza sübutdur", – deyə Turnava bildirib.