5 oktyabr tarixindən kiçik sahibkarlara dəstək proqramı
“Gürcüstanda istehsal et” genişləndilir. Bu barədə Gürcüstanın Baş
naziri Qiorqi Qaxaria hökumət iclasında məlumat verib.
Baş nazirin bildirdiyinə görə, proqramın büdcəsi 41 milyon lariyə
qədər artır.
“Biz iyun ayında böhrana qarşı tədbirlərin
komponentlərindən birinin, mikro qrantlar proqramının anonsunu
verdik ki, bu da “Gürcüstanda istehsal et” layihəsinin
komponentlərindən biridir və olduqca məşhur və son illər ərzində
olduqca səmərəli idi. Xüsusən qeyd etmək istəyirəm ki, bu
proqramdan Gürcüstanın 9400 vətəndaşı yararlanıb. Biz bu proqramın
büdcəsini 41 milyona kimi artırdıq və eləcə də birdəfəlik
maliyyələşdirmə həcmini də genişləndirdik. Bu 20 000 lari idi və 30
000 lari olacaq”, – Qiorqi Qaxaria bildirib.
Hökumət başçısının sözlərinə görə, bugünkü böhran şəraitində dövlət
dəstəyi daha da vacib olacaq.
“Bu vacibdir, çünki bu bizim vətəndaşlara qrant
şəklində yardımdır. Onlar ilk addımları ata bilərlər, öz işlərinə
və biznesə başlaya bilərlər. Bu dövlətin dəstəyidir və bu gün
iqtisadi böhran şəraitində bu daha da vacib olur. Mən istəyirəm hər
bir vətəndaşımıza deyim ki, bu proqramlarla bağlı onlar ictimai
mərkəzlərdə, yaxud Ədliyyə Evlərində, öz şəhərlərində və
regionlarında məlumat alacaqlar. Hamı yekdilliklə bu təşəbbüsə
dəstək olmalıyıq ki, biznesdə ilk addımlarını atsınlar. Bu proqram
üçün müraciətlər 5 oktyabrdan qəbul olunacaq”, –
Qiorqi Qaxaria bildirib.