“Gürcüstan və Azərbaycanı əhatə edəcək birgə turizm
paketinin layihəsi artıq hazırdır”.
Bunu Gürcüstanın Azərbaycandakı səfiri Zurab Pataradze deyib.
Onun sözlərinə görə, paket üçüncü ölkələrdən Qafqaza səfərə
hazırlaşanlar üçün nəzərdə tutulub:
“Əcnəbilər bir
səfər çərçivəsində həm Gürcüstan, həm də Azərbaycanın tarixi,
mədəniyyəti, adət-ənənələri, təbiəti və mətbəxi ilə tanış olmaq
imkanı əldə edəcəklər”.
Səfir bildirib ki, iki ölkənin turizm idarələri arasında yeni
turizm marşrutları hazırlanır:
“Marşrutlar yalnız Bakı
və Tbilisini deyil, hər iki ölkənin demək olar bütün bölgələrini
əhatə edəcək. Fikrimcə, bu, çox maraqlı layihədir. Artıq müəyyən
nəticələr də əldə olunub. Bir çox dostlarımız bu barədə maraqlanır.
Birgə səylərlə ölkələrimizin turistlər arasında populyarlığının
artırılması və birgə turizm paketinin tanıdılması istiqamətində
fəal iş aparılır”.
Mənbə: report.az