Kutaisi Beynəlxalq Hava Limanı kiçik hava limanlarından orta ölçülü hava limanları kateqoriyasına keçib. 2024-cü ilin yanvar ayının məlumatlarına görə, Kutaisi hava limanı sərnişin axınının artım sürətinə görə Avropanın orta ölçülü hava limanları arasında 3-cü yerdədir.

Gürcüstan Hava Limanları İttifaqının məlumatına görə, Kutaisidə sərnişin axını 2019-cu illə müqayisədə 171,8% artıb.

“Beynəlxalq Hava Limanları Şurasının 2023-cü il hesabatında qeyd olunur ki, Davit Ağmaşenebeli Beynəlxalq Hava Limanı kəskin artım müşahidə olunan hava limanlarının siyahısında yerləşdirilib. İllik hesabatda bildirilir ki, 2023-cü ildə Kutaisi hava limanında sərnişin axını pandemiyadan əvvəlki dövrlə müqayisədə 91% artaraq Avropa hava limanları arasında dördüncü yeri tutub, bundan sonra kiçik hava limanlarından orta hava limanları kateqoriyasına keçib”, - bu barədə Hava Limanları Assosiasiyası məlumat yayıb.

Agentliyin məlumatına görə, 2018-ci ildə Davit Aqmaşenebeli hava limanı sərnişin axınını 5 milyona çatdırmaqla Avropada lider olub, 2019-cu ildə isə ikinci yerdə qərarlaşıb.