Gürcüstanın ali təhsil müəssisələrində əcnəbi tələbələrin sayı 20,9% artıb. Milli Statistika İdarəsinin məlumatına görə, 2024-2025-ci tədris ilində ölkədə 37 125 xarici tələbə təhsil alır, halbuki 2023-2024-cü tədris ilində bu göstərici 30 701 idi.

Bundan başqa, ötən tədris ilində Gürcüstanın dövlət ali təhsil müəssisələrində 29 857, özəl ali təhsil müəssisələrində isə 7 268 əcnəbi təhsil alıb.

Məlumatlara görə, digər ölkələrin vətəndaşları arasında ən çox tələbə Hindistandandır. Xüsusilə, Hindistan vətəndaşları əcnəbi tələbələrin 55%-ni təşkil edir.

Daha dəqiq desək, “BusinessPressNews”un statistikasına əsaslanaraq, Gürcüstanın ali təhsil müəssisələrinin ən çox tələbə qəbul etdiyi ilk on ölkəni sizə təqdim edirik:

• Hindistan - 20 319
• İordaniya - 2487
• İsrail - 2210
• Pakistan - 1186
• Sudan - 1774
• Böyük Britaniya - 1179
• Misir - 1050
• Livan - 980
• Azərbaycan - 860
• Nigeriya - 618

Xatırlatmaq istərdik ki, statistik məlumatlara əsasən, 2024/2025-ci tədris ilinin əvvəlinə Gürcüstanda 19-u dövlət, 44-ü isə özəl olmaqla ümumilikdə 63 ali təhsil müəssisəsi fəaliyyət göstərirdi. Ali təhsil müəssisələrinin 64%-i Tbilisidə yerləşir.

Gürcüstan son illərdə xarici tələbələr üçün cəlbedici təhsil mərkəzinə çevrilib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---