2025-ci il 30 sentyabr tarixinə olan məlumata görə, Gürcüstanda yaşayan Belarus vətəndaşlarının 22,7%-i, Ukrayna vətəndaşlarının 20,3%-i və Rusiya vətəndaşlarının 28,1%-i Gürcüstan rezidentləri hesab olunur. Bu barədə məlumat Gürcüstan Milli Bankının turizmdən əldə olunan gəlirlər barədə statistikasında yer alır.

Milli Bankın izahına görə, bu şəxslər artıq bir ildən çoxdur ki, Gürcüstanda yaşayırlar və ya bir ildən çox müddətə qalmağı planlaşdırırlar. Buna görə də, Beynəlxalq Valyuta Fondunun metodologiyasına əsasən, onlar Gürcüstanın rezidentləri sayılır və onların xərcləri beynəlxalq səyahətlərdən əldə olunan gəlirlərə daxil edilmir.

Məlumata əsasən, 2025-ci ilin üçüncü rübündə Gürcüstan turizmdən 1,666 milyard dollar gəlir əldə edib ki, bu da ötən ilin eyni dövrü ilə müqayisədə 6,5% artım deməkdir. Gürcüstan Milli Bankının məlumatına görə, keçən ilin üçüncü rübündə bu göstərici 1,563 milyard dollar təşkil etmişdi.

Ölkələr üzrə göstəricilərə baxdıqda, üçüncü rübdə Rusiyadan əldə olunan gəlirlər 14,2% azalıb. Buna baxmayaraq, Rusiya hələ də 252,2 milyon dollarlıq göstərici ilə liderliyini qoruyur. Ukraynalı ziyarətçilərin xərclərində isə 5,6%-lik artım qeydə alınıb — onlar üçüncü rübdə 44,9 milyon dollar xərcləyiblər. Belarusiyalıların xərcləri isə 36,9 milyon dollar təşkil edib, bu isə 5,3%-lik azalma deməkdir.

Mənbə: Azadlıq Radiosu

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.