Daxili İşlər Nazirliyinin Kvemo Kartli Polis Departamentinin əməkdaşları Rustavidə baş vermiş qəsdən adam öldürməyə cəhd faktının üstünü "isti izlərlə" açıblar.

Qurumun məlumatına görə, 1992-ci il təvəllüdlü, əvvəllər məhkum olunmuş L.P. saxlanılıb. O, qəsdən adam öldürməyə cəhddə ittiham olunur.

Hadisənin təfərrüatları: İstintaqla müəyyən edilib ki, Rustavidə mübahisə zəminində yaranan qarşıdurma zamanı təqsirləndirilən şəxs 1988-ci il təvəllüdlü D.Q.-ya soyuq

silahla bir neçə xəsarət yetirib və hadisə yerindən qaçıb. Yaralı klinikaya yerləşdirilib və ona müvafiq tibbi yardım göstərilir.



Polis təqsirləndirilən şəxsi hadisədən qısa müddət sonra saxlayıb. İstintaq Gürcüstan Cinayət Məcəlləsinin 19-108-ci maddəsi (qəsdən adam öldürməyə cəhd) ilə aparılır. Cinayət 15 ilədək azadlıqdan məhrumetmə cəzasını nəzərdə tutur.