Ciatura bələdiyyəsinin Xalipauri kəndində təqaüdə çıxmış cütlük
qarət edilib. Bu barədə məlumatı "Mtavari" televiziya şirkəti
yayıb.
Soyulan cütlük telekanalla söhbətində bildirib ki, təcavüzkarlar
onların əl-qolunu və ağızlarını bağlayaraq pul və qızılları
aparıblar. Zərərçəkmişlərin dediyinə görə, quldurlardan birində
silah da olub.
Daxili İşlər Nazirliyindən verilən məlumata görə, istintaq Cinayət
Məcəlləsinin 179-cu maddəsi ilə başladılıb. Törədilmiş cinayətə
görə on bir ildən on beş ilədək müddətə azadlıqdan məhrumetmə
cəzası nəzərdə tutulur.