19 sentyabr tarixində Kutaisidə “İntelekspress” mikromaliyyə
təşkilatı qarət olunub. Bu barədə Daxili İşlər Nazirliyi məlumat
verib.
Nazirliyin məlumatına görə, faktla bağlı Cinayət Məcəlləsinin
177-ci maddəsi ilə istintaq aparılır. Həmin maddə oğurluğu nəzərdə
tutur.
“İntelekspress” şirkətinin meneceri Levan Dondua hadisə ilə bağlı
“Rustavi 2” kanalına müsahibə verib.
“Həyəcan siqnalı çalınıb, mühafizə polisi gəlib, ancaq
qapı və pəncərə açıq olmadığı üçün geri qayıdıb. Oğrular zirzəmidən
çıxıblar", – Dondua müsahibəsində bildirib.
Onun sözlərinə görə, dəymiş zərərlə bağlı dəqiq məlumat verə
bilməz. Ancaq “Rustavi 2”-nin məlumatına görə, yarım milyona yaxın
lari və qiymətli əşyalar oğurlanıb.