Daxili İşlər Nazirliyi Tbilisidə İran vətəndaşlarına qarşı
zorakılıq tətbiq etmə və sağlamlıqlarına zərər vurma ittihamı ilə 2
nəfəri saxlayıb.
Qurumun məlumatına görə, 1983-cü il təvəllüdlü Ş.L. sağlamlığa
qəsdən yüngül xəsarət yetirmə və 1984-cü il təvəllüdlü V. Ş.
zorakılıq tətbiq etmə ittihamı ilə saxlanılıb.
Törədilmiş cinayətə görə 3 ilə qədər həbs cəzası nəzərdə
tutulur.
"İstintaq nəticəsində aydın olub ki, Ş.L. mübahisə zəminində
meydanlardan birinin yaxınlığında, Tsotne Dadiani küçəsində, İran
İslam Respublikası vətəndaşı 1987-ci il təvəllüdlü V.R.-nin
bədəninə iki yüngül xəsarət yetirib. Yaralı kişi tibb müəssisəsinə
aparılıb. Vəziyyəti qənaətbəxşdir.
Hüquq-mühafizə orqanları Ş.L.-ni hadisədən bir neçə saat sonra
saxlayıb. O, cinayəti etiraf edib. Polis cinayətdə istifadə olunmuş
silahını – bıçağı maddi sübut olaraq müsadirə edib.
İstintaq zamanı, Ş.L.-nin yoldaşı V.Ş.-nin İran vətəndaşı
V.R.-nin bədəninə küt alətlə vurduğu da məlum
olub.”