Marneulidə, Nərimanov küçəsi 15 ünvanında yaşayış evi yanıb.
Qarabağlılar ailəsində yanğın səhərə yaxın olub.
Həmin vaxt ailə üzvlərinin hamısı yatırmış.
Onlar bizimlə söhbətləri zamanı bildirdilər ki, evdən heç nə çıxara
bilməyiblər. Yanğına güman ki, dam örtüyündən keçən elektrik xətti
səbəb olub. Yanğınsöndürən briqadası yanğını söndürüb. Hadisə
nəticəsində heç kim xəsarət almayıb.
Qarabağlılar ailəsinin üzvləri bildirirlər ki, evdə yalnız bir
nəfər işləyirmiş və ailəni dolandırırmış. Ancaq pandemiyaya görə o,
da işini itirərək gəlirsiz qalıb. Ailə yardım tələb edir.
Daxili İşlər Nazirliyindən "Marneuli" radiosuna bildirdilər ki, baş
vermiş faktla bağlı Cinayət Məcəlləsinin 188-ci maddəsi ilə
istintaq aparılır. Həmin maddə ehtiyatsızlıqdan əşyaya ziyan vurma,
yaxud məhv etməni nəzərdə tutur.