Daxili İşlər Nazirliyinin Kaxeti Polis Şöbəsinin əməkdaşları, əməliyyat və istintaq tədbirləri nəticəsində, 1990-cı il təvəllüdlü Q.İ.-ni ailə zorakılığı, təhdid və cinsi istismar ittihamı ilə Laqodexidə həbs edib.

Törədilmiş cinayətə görə, 15 ildən 20 ilə qədər və ya ömürlük həbs cəzası nəzərdə tutulur.

Aparılan istintaq nəticəsində aydın olub ki, təqsirləndirilən şəxs azyaşlı uşaqlarının yanında həyat yoldaşına qarşı sistematik olaraq psixoloji zorakılıq tətbiq edib və bıçaqla onu öldürməklə hədələyib. Q.İ. yetkinlik yaşına çatmayan uşaqlarına qarşı da zorakılıq göstərib.

Bundan əlavə, aparılan istintaq tədbirləri nəticəsində təqsirləndirilən şəxsin ailəsinə qonaq gələn 10 yaşlı bir qıza qarşı cinsi cinayət törətdiyi də müəyyən edib.

Faktla bağlı Gürcüstan Cinayət Məcəlləsinin 11'-151-ci maddəsinin 2-ci hissəsinin "d" bəndi, 126-cı maddəsinin 2-ci hissəsinin "a", "b" və "c" bəndləri və 137-ci maddəsinin 4-cü hissəsinin "d" bəndi ilə istintaq başladılıb.