Dövlət Təhlükəsizlik Xidmətinin məlumatına görə, rüşvətxorluqla
mübarizə idarəsinin əməkdaşları Tbilisi bələdiyyə müfəttişliyinin
əməkdaşını saxlayıb.
Qurumun yazdığına görə, istintaq nəticəsində rüşvət alma ittihamı
ilə bələdiyyənin İsani-Samqori rayon şöbəsinin baş mütəxəssisi
saxlanılıb.
“İstintaq nəticəsində aydın olub ki, bələdiyyə
müfəttişliyinin əməkdaşı, Gürcüstan vətəndaşı, Tbilisidə, Afrika
məntəqəsində həyata keçirilmiş qanunsuz tikintinin gizlədilməsi və
qanunla nəzərdə tutulmuş inzibati vergidən azad olunması
qarşılığında vasitəçi ilə rüşvət qismində 2500 lari tələb edərək
alıb”, — rəsmi məlumatda deyilir.
Rüşvətxorluq faktı ilə bağlı istintaq aparılır. İstintaqı DTX-nın
rüşvətxorluğa qarşı agentliyi həyata keçirir.