Gürcüstan Maliyyə Nazirliyinin İstintaq Xidmətinin əməkdaşları
Gürcüstanın gömrük sərhədində külli miqdarda mal daşınması
qaydalarını pozduqlarına görə iki Gürcüstan vətəndaşını
saxlayıblar.
Qurumdan verilən məlumata görə, aparılan istintaq tədbirləri
nəticəsində təqsirləndirilən şəxslərin, xüsusən külli miqdarda
qızıl və gümüş əşyaları "Sarpi" gömrük keçid məntəqəsindən qaçaq
yolla keçirdikləri məlum olub.
"İstintaq tədbirləri nəticəsində ümumi gömrük dəyəri 76
000 larini keçən ümumilikdə 701,67 qram qızıl və 26,54 qram gümüş
əşyalar götürülüb.
Faktla bağlı Gürcüstan Cinayət Məcəlləsinin 5 ildən 7 ilədək həbs
cəzasını nəzərdə tutan 214-cü maddəsinin ikinci hissəsi ilə
istintaq aparılır”, – deyə məlumatda bildirilib.