Polis Poniçalada 3 narkotik satıcısını həbs edib (VİDEO)
17:10 / 27.04.2021
Tbilisinin Poniçala (Soğanlıq) qəsəbəsində keçirilən xüsusi
əməliyyat zamanı 3 nəfər saxlanılıb.
Bu barədə Gürcüstanın Daxili İşlər Nazirliyi məlumat yayıb.
Məlumata görə, həmin şəxslər külli miqdarda narkotik vasitələrin
qanunsuz əldə olunması, saxlanılması və satışında ittiham
olunurlar.
İstintaqla müəyən olunub ki, saxlanılan şəxslər cinayət əməllərinə
yetkinlik yaşına çatmayan uşağı da cəlb ediblər. Yeniyetmənin
maraqlarının müdafiəsi üçün Sosial Xidmətin əməkdaşları cəlb
olunub.
Saxlanılan şəxsləri 8 ildən 20 ilədək və yaxud ömürlük həbs
gözləyir.