Bu gün, 14 yanvar tarixində saat 19:00 radələrində, Marneulidə
təcili tibbi yardım avtomobili orta yaşlı kişini vurub.
Xəsarət alan kişi hadisə yerindəcə dünyasını dəyişib.
Hadisə şahidlərinin sözlərinə görə, qəza Candar masivi ərazisindən
keçən yolda baş verib. Təxminən 50 yaşlarında olan kişi yolu
keçirmiş.
Məlumata görə, təcili tibbi yardım avtomobili paytaxt Tbilisiyə
xəstə aparırmış.
Qəzanın baş verdiyi əraziyə ekspert kriminalistlər və polis cəlb
olunub. Faktla bağlı araşdırma aparılır.