Kaxeti bölgəsində dağlıq ərazidə meşə massivində yanğın baş verib.
Yanğın ocağı Telavi rayonunun Artana kəndindən 4 saatlıq məsafədə
ucqar zonada qeydə alınıb. Hazırda meşədə ot və kol-kos yanır.
Telavi meri Simon Maysuradzenin sözlərinə görə, yanğının başladığı
əraziyə hazırda hər hansı texnika ilə getmək mümkün deyil, yalnız
piyada qalxmaq mümkün ola bilər.
“Xilasedicilərə dedik. 20 könüllü toplaşıb və
yanğınsöndürənlərə qoşulub. Biz səhər saat 7-də
çıxacağıq”, - deyə o bildirib.
Yanğının səbəbi açıqlanmır.