Qızılhacılı kəndində mağaza qarət olunub (FOTO/VİDEO)
13:42 / 12.04.2023
Marneuli rayonunun Qızılhacılı kəndində mağaza qarət olunub. Hadisə
bu gün, 12 aprel tarixində səhər saatlarında baş verib.
Mağazadan külli miqdarda siqaret və pul oğurlanıb.
Mağazanın sahibi Alim İmanovun “Marneuli” radiosu ilə söhbəti
zamanı bildirdiyinə görə, onlara təxminən 2-3 min lari ziyan dəyib.
Onun sözlərinə görə, mağazada yerləşdirilən nəzir qutusunu da
oğurlayıblar.
“Hadisə təxminən gecə saat 4-5 radələrində baş verib.
Mağazadan siqaret və pul oğurlayıblar. Təxminən 2-3 min lariyə
yaxın pul oğurlanıb. Çünki içəri girib baxıb hesablamamışıq. Orada
xırda pullar çox idi. Ehtiyat xırda pullar da var idi, onlar hələ
hesablanmayıb. Əlavə bir də nəzir qutusu
oğurlayıblar”, – Alim İmanov dedi.
Mağaza sahibinin sözlərinə görə, oğrular şüşəni sındıraraq içəri
daxil olublar.
“Şübhələndiyim heç kim yoxdur. Səhər atam mağazaya
gəlib görüb ki, şüşəsi qırılıb. Mənim özüm gecə 3-4 arası mağazadan
evə getmişəm. Hadisə mən evə gedəndən sonra baş verib. Kimdirsə,
bizi izləyirmiş. Hadisədən xəbər tutan kimi polisə xəbər verdik və
araşdırırlar. Hələ ki, nəticə bəlli deyil. İşlər gedir. Görək necə
olur. Əvvəllər də oğurluq hadisəsi baş verib. Bu artıq üçüncü
dəfədir”, – Alim İmanov dedi
Daxili İşlər Nazirliyindən “Marneuli” radiosuna bildirdilər ki,
faktla bağlı Gürcüstan Cinayət Məcəlləsinin 117-ci maddəsi ilə
istintaq aparılır. Həmin maddə oğurluğu nəzərdə tutur.
Warning: Invalid argument supplied for foreach() in /var/www/marneulifm.ge/public_html/templates/default/html/com_content/article/default.php on line 166