Bu gün, 24 aprel tarixində saat 16:30 radələrində Marneulidə,
aerodrom yaxınlığında ağır yol-nəqliyyat hadisəsi baş verib.
Qəza zamanı Ermənistan dövlət nömrə nişanlı "Honda" markalı
avtomobillə Gürcüstan dövlət nömrə nişanlı yük maşını toqquşub.
Hadisə şahidlərin verdiyi məlumata görə, qəzaya minik avtomobilinin
ötmə əməliyyatını düzgün yerinə yetirməməsi səbəb olub.
24News.ge-nin yazdığına görə, qəza zamanı "Honda" markalı
avtomobilin sürücüsü xəsarət alıb. Ona təcili tibbi yardım
briqadası tərəfindən ilkin tibbi yardım göstərilib.
Hadisə yerinə polis cəlb olunub. Araşdırma aparılır.