DTX qrup tərəfindən qabaqcadan razılaşma ilə külli miqdarda rüşvət
almaq ittihamı
ilə Tsalencixa bələdiyyəsinin meriyasının əməkdaşları T. M. və B.
D.-nı saxlayıb.
DTX-nın məlumatına görə, istintaq müəyyən edib ki, müttəhimlər
Tsalencixa bələdiyyəsinin Daba Cvari ərazisində yerləşən 1550 kv/m
torpaq sahəsini hərraca çıxarmaq müqabilində vətəndaşdan 20 000
lari rüşvət istəyiblər.
Faktla bağlı Dövlət Təhlükəsizliyi Xidmətinin Korrupsiyaya Qarşı
Mübarizə İdarəsi tərəfindən Cinayət Məcəlləsinin 338-ci maddəsinin
ikinci hissəsinin 7 ildən 11 ilədək azadlıqdan məhrumetməni nəzərdə
tutan “b” və “c” bəndləri ilə araşdırma aparılır.