Liloda 21 yaşlı qızı öldürməkdə təqsirləndirilən Otar Tsindeliani
barəsində həbs qətimkan tədbiri seçilib.
Hakim Teona Vaitaşvili qərar çıxarıb.
İşin prokuroru Levan Vepxadzenin sözlərinə görə, öldürülən şəxsin
59 yarası olub. Onun məlumatına görə, təqsirləndirilən şəxs ölkədən
qaçmağa cəhd edib.
“İnstagram mesajları təsdiqləyir ki, Ketevan
Cavaxişvili müttəhimi öz mülkü hesab edirdi. Qızın bədəninin hər
bir orqanında olmaqla cəmi 59 yara var idi. Hər bir yara o sağ
olduğu zaman vurulub.
Təqsirləndirilən şəxs ölkəni tərk etməyə çalışıb. Hadisə gecə saat
2-3 radələrində baş verib. Saat 19:21-də bu şəxs Sameqreloda
tutuldu. O, hüquq-mühafizə orqanlarına müraciət edib. Onun təslim
olmağının məqsədi bəlkə də işini asanlaşdırmaq idi. Müttəhimin
evinə baxış zamanı tapılan qana bulanmış bıçaq və palto cinayəti
bir daha təsdiq edir. Həmçinin evin yaxınlığında, zibil qutusundan
qanlı şalvar götürülüb”, - deyə “İnterpresnews” xəbər
agentliyinə məlumat verən prokuror, qaçma, yeni cinayət törətmək və
sübutları məhv etmək riskinin qarşısını almanın yeganə yolu cəzanın
həbs olduğunu qeyd edib.
Hüquq-mühafizə orqanlarının əməkdaşları Zuqdididə 2003-cü il
təvəllüdlü Otar Tsindelianini həddindən artıq amansızlıqla qəsdən
adam öldürmə ittihamı ilə saxlayıblar. İstintaqın məlumatına görə,
o, Tbilisinin Lilo qəsəbəsində 21 yaşlı qadını “qarşılıqlı mübahisə
zəminində, soyuq silahdan istifadə etməklə” qətlə yetirib.
Həddindən artıq amansızlıqla törədilən qəsdən adam öldürmə faktı
üzrə istintaq Gürcüstan Cinayət Məcəlləsinin 109-cu maddəsinin “M”
bəndi ilə aparılır. Cinayət 16 ildən 20 ilədək və ya ömürlük həbslə
cəzalandırılır.