Gürcüstan Prokurorluğu bir nəfəri adam öldürməyə cəhddə ittiham edib.

Daxili İşlər Nazirliyinin apardığı istintaqla müəyyən edilib ki, martın 24-də Tbilisinin Vazisubani rayonunda təqsirləndirilən şəxs bıçaqla qəsdən, öldürmək məqsədilə qonşuluqda yaşayan qadına bədəninin müxtəlif nahiyələrinə çoxsaylı xəsarətlər yetirib.

Hüquq-mühafizə orqanlarının əməkdaşları təqsirləndirilən şəxsi elə həmin gün saxlayıblar. O, Gürcüstan Cinayət Məcəlləsinin 19-108-ci (qəsdən adam öldürməyə cəhd) maddəsi ilə ittiham olunub ki, bu da 10 ildən 15 ilədək azadlıqdan məhrum etmə ilə cəzalandırılmanı nəzərdə tutur.

Prokurorluqdan verilən məlumata görə, o, təqsirləndirilən şəxs barəsində həbs qətimkan tədbiri seçilərək həbs müddətinin uzadılması barədə vəsatətlə qanunla müəyyən edilmiş müddətdə məhkəməyə müraciət edəcək.