Prokurorluğun məlumatına görə, qəsdən adam öldürməkdə təqsirləndirilən iki nəfər haqqında həbs qərarı verilib. Onlardan adam öldürməkdə ittiham olunan biri 15 il müddətinə azadlıqdan məhrum edilib - o, artıq həbsdədir. Digəri isə qiyabi olaraq 13 il müddətinə azadlıqdan məhrum edilib.

Qərar Tbilisi Şəhər Məhkəməsi tərəfindən qəbul edilib.

“Məhkəmə zamanı tədqiq ed

ilən faktlar sübut edib ki, 2024-cü il fevralın 18-də gecə saatlarında Tbilisidəki gecə klublarından birində təqsirləndirilən şəxslə zərərçəkmiş arasında mübahisə baş verib. Bununla bağlı təqsirləndirilən şəxs dostu ilə əlaqə saxlayıb və kömək istəyib.

Həmin gecə təqsirləndirilən şəxslər qanunsuz yolla əldə etdikləri silahlarla avtomobillə hərəkət edərkən dostu ilə küçədə olan zərərçəkmişi görüblər. Sürücü maşını saxlayıb, onun yanında əyləşən təqsirləndirilən şəxs isə avtomobildən düşərək odlu silahla zərərçəkmişə bir neçə dəfə atəş açıb və o, hadisə yerində ölüb. Hüquq-mühafizə orqanları təqsirləndirilən şəxslərdən birini həmin gün saxlayıb, digər təqsirləndirilən şəxs isə gizlənib”, - deyə agentliyin yaydığı məlumatda oxuyuruq.

Prokurorluq onları qrup halında qəsdən adam öldürmə, o cümlədən qanunsuz olaraq odlu silah-sursat almaq-saxlama-gətirmə maddələri ilə ittiham edib. Şəhər məhkəməsi qətl hissəsində prokurorluğun mövqeyini bölüşməyib və həbs edilən şəxsi qəsdən adam öldürməkdə, axtarışda olan şəxsi isə qətlə köməklik göstərməkdə təqsirli bilib. Prokurorluq qərardan apellyasiya məhkəməsinə apellyasiya şikayəti vermək və onların hər birinin təqsirinin ağırlaşdırılmasını tələb etmək niyyətindədir.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---