Gürcüstan Maliyyə Nazirliyinin istintaq xidmətinin əməkdaşlarının Kvemo Kartli rayon prokurorluğu ilə razılaşdıraraq həyata keçirdikləri əməliyyat-axtarış tədbirləri və istintaq hərəkətləri nəticəsində fakt üzrə məhkəmənin qərarı ilə 1 nəfər başqasına məxsus külli miqdarda pulu dələduzluq yolu ilə almaq ittihamı ilə saxlanılıb.

İstintaq müəyyən edib ki, dələduzluq yolu ilə özgənin əmlakını əldə etmək məqsədilə təqsirləndirilən şəxs Facebook sosial şəbəkəsində Amerika Birləşmiş Ştatları və Böyük Britaniyada planlaşdırıldığı iddia edilən təlim proqramının iştirakçılarından ibarət qrup yaradıb. Və sonra o, qoşulan 26 nəfəri aldadıb ki, müəyyən məbləğ ödəsələr, təhsil mübadilə proqramına daxil ediləcəklər və onlara ABŞ və Böyük Britaniya vizası veriləcək.

Belə ki, təqsirləndirilən şəxs 2023-cü ilin iyul ayından 2024-cü ilin avqust ayına qədər olan müddətdə dələduzluq yolu ilə 26 fiziki şəxsə məxsus ümumi məbləği 36.000 lari olan pulu ələ keçirib.

İstintaq Gürcüstan Cinayət Məcəlləsinin 6 ildən 9 ilədək müddətə azadlıqdan məhrumetməni nəzərdə tutan 180-ci maddəsinin 3-cü hissəsinə əsasən aparılır.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---