Qoridə yaşıdlarını qəsdən öldürməyə cəhd etməkdə ittiham olunan 17 və 18 yaşlı şəxslər saxlanılıb.

Gürcüstan Daxili İşlər Nazirliyinin məlumatına görə, şübhəlilər "qarşılıqlı mübahisə zəminində" 18 və 19 yaşlı şəxslərə bıçaqla bədənlərinin müxtəlif nahiyələrindən xəsarətlər yetiriblər.

Yaralanan gənclər "Qormedi" klinikasının reanimasiya şöbəsinə yerləşdirilib.

"Qormedi" klinikasının cərrahı Merab Maisuradze bildirib ki, pasiyentlərin vəziyyəti hələ də ağırdır:

"Hər ikisinin vəziyyəti olduqca ciddi və ağırdır. Onlara təcili şəkildə əməliyyatdan əvvəl müayinələr aparıldı və sonra cərrahi müdaxilə həyata keçirildi. Hazırda hər

ikisinin vəziyyəti ağır və müşahidə altındadır, reanimasiya şöbəsində saxlanılırlar. Onlardan birinin vəziyyəti nisbətən stabilləşib və bu gün və ya sabah palataya köçürülməsi planlaşdırılır. Hər ikisinin çox ağır kateqoriyaya aid olan yaralanmaları var", – deyə Maisuradze bildirib.

Hadisə 23 fevral tarixində, günorta saatlarında Tsminda Tskali (Təmiz Su) qəsəbəsində baş verib. Qəsəbə sakinlərinin sözlərinə görə, əvvəlcə gənclər arasında dava olub, daha sonra isə iki nəfərin ağır yaralandığı məlum olub.

Faktla bağlı araşdırma Gürcüstan Cinayət Məcəlləsinin 19-109-cu maddəsinin "l" bəndi üzrə aparılır.

Bu maddəyə əsasən, sözügedən cinayət 20 ilə qədər həbs cəzası və ya ömürlük azadlıqdan məhrumetmə ilə cəzalandırıla bilər.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---