Regional media qurumu "Ajara Times"-ın məlumatına görə, Kobuleti bələdiyyəsində donmuş halda dünyasını dəyişmiş bir kişinin meyiti tapılıb. Hadisənin Xutsubani kəndində baş verdiyi bildirilir.

Kobuleti meriyasının "Ajara Times"-a verdiyi məlumata görə, kişi evinin yaxınlığında huşsuz vəziyyətdə tapılıb. Onun ölüm səbəbi hələlik məlum deyil.

Hadisənin təfərrüatlarını araşdırmaq üçün Daxili İşlər Nazirliyi ilə əlaqə saxlanılıb və yeni məlumat daxil olduğunda xəbər yenilənəcək.

Qərbi Gürcüstanda baş verən güclü qar və əlverişsiz hava şəraiti yerli əhali üçün ciddi problemlər yaradıb.

Bəzi bölgələrdə sakinlərin xarici aləmlə əlaqəsi kəsilib, elektrik və su verilməsi dayandırılıb, nəqliyyatın hərəkəti iflic olub.

Quriya bölgəsində isə təbii fəlakət insan tələfatına səbəb olub.

Təbii fəlakətlə bağlı ENERGO-PRO Georgia şirkəti rəsmi məlumat yayıb və bildirib ki, Gürcüstanın müxtəlif bölgələrindən əlavə texniki qruplar hələ də Quriya və Acarıstan bölgələrində fövqəladə rejimdə işləyirlər.

İvanişvilinin nümayəndəsi Şalva Papuaşvili isə Qərbi Gürcüstanda davam edən təbii fəlakəti "sadəcə qar" kimi qiymətləndirib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---